Fr. Sarathjeevan

இறுதி யுத்தத்தின்போது முள்ளிவாய்க்காலில் மக்களுக்காக தன்னுயிர் ஈந்த அருட்தந்தை சறத்ஜீவனின் நினைவாக அருட்தந்தை சறத்ஜீவன் நிதித்திட்டம் 2013ம் ஆண்டு அவரது குடும்பஅங்கத்தவர்களால் ஆரம்பிக்கப்பட்டது.

2014ம் ஆண்டு ஆனிமாதம் 10ம் திகதி முன்னாள் யாழ் ஆயர் மதிப்பிற்குரிய தோமஸ் சவந்தரநாயகம் ஆண்டகை மற்றும் யாழ் ஆயர் மதிப்பிற்குரிய ஜஸ்ரின் ஞானப்பிரகாசம் ஆண்டகை அவர்களின் அனுமதியுடன் அருட்தந்தை கி.ஜோ. ஜெயக்குமார் அடிகளாரை இயக்குனராக கொண்டு "அருட்தந்தை சறத்ஜீவன் நிதித்திட்டம்" உத்தியோகபூர்வமாக இயங்கதொடங்கியது. அருட்தந்தை ரவிராஜ் பொருளாளராகவும், நித்திலா அம்மையாரை செயலாளராகவும், அருட்தந்தை கிருபாகரன், நிக்கொலின் சாமிநாதர் அம்மையார் ஆகியோரை அங்கத்தவராகவும் கொண்ட ஐந்துபேர் உள்ள நிர்வாக அமைப்பால் இந்நிதித்திட்டம் நிர்வகிக்கப்பட்டுவருகின்றது.

உள்நாட்டிலும் வெளிநாடுகளிலும் இருந்து பல நல்ல உள்ளம் படைத்தவர்களினால் மேலும் நிதிஉதவி கிடைக்கப்பெற்றதன் காரணமாக இருபத்தி மூன்று மாணவர்களுக்கு மாதாந்தம் கல்விக்கான நிதி வழங்கப்பட்டுவருகின்றது. வறுமைக்கோட்டுக்கு உட்பட்ட போரினால் பாதிக்கப்பட்ட அதேநேரம் கல்வியில் ஊக்கமுள்ள மாணவர்களுக்கு இவ் உதவிகள் வழங்கப்படுகின்றது. உருத்திரபுரம், இரணைப்பாலை, குமுளமுனை மற்றும் முல்லைத்தீவு பங்குகளை சேர்ந்த 23 மாணவர்கள் பயனடைகின்றார்கள். மேலும் யுத்ததின்போது காயமடைந்து மாற்றுத்திறனாளிகளாக உள்ளவர்களுக்கும் உதவிகள் வழங்கப்படுகின்றது.

அருட்தந்தை சறத்ஜீவன் நிதித்திட்டத்திற்கு உதவிவழங்கும் அனைவரிற்கும் இத்திட்டத்தை நடைமுறைப்படுத்துவதற்கு உதவும் அருட்தந்தையர்களுக்கும் நிர்வாகசபை அங்கத்தவர்களுக்கும் இச்சந்தர்ப்பத்தில் நன்றி தெரிவிக்கின்றோம்.